ജനങ്ങളുടെ മനസ്സിൽ വിഴിഞ്ഞം ഉമ്മൻചാണ്ടിയുടേതാണ്: ചാണ്ടി ഉമ്മൻ

തിരുവനന്തപുരം: ജനങ്ങളുടെ മനസ്സിൽ വിഴിഞ്ഞം തുറമുഖം ഉമ്മൻചാണ്ടിയുടെ പേരിലാണെന്ന് ചാണ്ടി ഉമ്മൻ എംഎൽഎ. വിഴിഞ്ഞം തുറമുഖത്തിന് ഉമ്മൻചാണ്ടിയുടെ പേര് നൽകണമെന്ന് ആഗ്രഹം ഇല്ലായിരുന്നുവെന്നും ചാണ്ടി ഉമ്മൻ പ്രതികരിച്ചു. സ്വപ്ന പദ്ധതിയായ വിഴിഞ്ഞം പൂർത്തീകരിച്ച സർക്കാരിന് നന്ദിയുണ്ടെന്നും ചാണ്ടി ഉമ്മൻ കൂട്ടിച്ചേർത്തു.

വിഴിഞ്ഞം ദുഃഖപുത്രിയാണെന്ന് ഉമ്മൻചാണ്ടിയുടെ ഭാര്യ മറിയാമ്മ ഉമ്മ. നിരവധി ആരോപണങ്ങൾ ഇതുമായി ബന്ധപ്പെട്ട് ഉണ്ടായതാണെന്നും അതിനുവേണ്ടി ഒരുപാട് പ്രാർത്ഥിക്കുകയും ചെയ്തിട്ടുണ്ടെന്നും മറിയാമ്മ ഉമ്മൻ പറഞ്ഞു. ഉമ്മൻചാണ്ടിയുടെ സ്വപ്ന പദ്ധതിയായ വിഴിഞ്ഞം തുറമുഖം ട്രയൽ റൺ ഉദ്ഘാടന വേളയുടെ പശ്ചാത്തലത്തിൽ ആയിരുന്നു മറിയാമ്മ ഉമ്മന്റെ പ്രതികരണം.