ശാസ്താംകോട്ട ഡിബി കോളേജിൽ പോലീസ് അഴിഞ്ഞാട്ടം; നിരവധി കെഎസ്‌യു പ്രവർത്തകർക്ക് പരിക്ക്

കൊല്ലം: ശാസ്താംകോട്ട ദേവസ്വം ബോർഡ് കോളേജിൽ കെ എസ് യു പ്രവർത്തകർക്ക് നേരെ പോലീസ് അഴിഞ്ഞാട്ടം. നിരവധി വിദ്യാർത്ഥികൾക്ക് പോലീസ് അതിക്രമത്തിൽ പരിക്കേറ്റു. ക്യാമ്പസിൽ ഇടത് അധ്യാപക സംഘടന എസ്എഫ്ഐക്ക് അനുകൂലമായി ഏകപക്ഷീയ നിലപാടുകൾ കൈക്കൊള്ളുന്നുവെന്ന് ആരോപിച്ച് കെഎസ്‌യു പഠിപ്പുമുടക്ക് സമരത്തിന് ആഹ്വാനം ചെയ്തിരുന്നു. ഇതിനിടയിലാണ് പോലീസ് യാതൊരു പ്രകോപനവും കൂടാതെ പ്രവർത്തകരെ തിരഞ്ഞുപിടിച്ച് തല്ലിച്ചതച്ചത്. സ്ഥലത്ത് ഇപ്പോഴും സംഘർഷാവസ്ഥ തുടരുകയാണ്. പ്രദേശത്തേക്ക് കൂടുതൽ യൂത്ത് കോൺഗ്രസ്- കോൺഗ്രസ് നേതാക്കൾ പ്രതിഷേധവുമായി എത്തുകയാണ്.