അക്ഷര തീർത്ഥാടനം കഴിഞ്ഞു, ജ്ഞാനി മടങ്ങി . പ്രിയദർശിനി പുബ്ലിക്കേഷൻസ് സൗദി ചാപ്റ്റർ

റിയാദ്​: മലയാള ഭാഷയുടെ ശ്രേഷ്​ഠത ദേശാതിരുകൾക്കപ്പുറമെത്തിച്ച മഹാനായ എഴുത്തുകാരനാണ് എം.ടി. വാസുദേവൻ നായരെന്ന്​ പ്രിയദർശനി പബ്ലിക്കേഷൻ സൗദി ചാപ്റ്റർ അഭിപ്രായപ്പെട്ടു.

അപരിഹാര്യമായ നഷ്​ടമാണ്​ ഭാഷക്കും സാഹിത്യത്തിനും സർവോപരി കേരളീയ സാമൂഹിക, സാംസ്​കാരിക രംഗത്തിനാകമാനവും ആ മഹാ വിയോഗത്തിലൂടെ സംഭവിച്ചതെന്ന് അനുശോചന കുറിപ്പിൽ പറഞ്ഞു. പ്രായം വിരൽത്തുമ്പിൽ തൊടാതെ എല്ലാ തലമുറകളെയും ഒരുപോലെ എഴുത്തിലേക്ക് ആകർഷിച്ച മലയാളത്തി​െൻറ മഹാസൗഭാഗ്യം ലോകത്തോട് വിട പറയുമ്പോൾ തിരശ്ശീല വീഴുന്നത് ഒരു യുഗത്തിനാണ്.

എം.ടി എന്ന രണ്ടക്ഷരം വാണ മലയാളത്തിന്റെ ആ മഹായുഗം ഓർമയുടെ മഞ്ഞിലേക്ക്​ വിലയം പ്രാപിക്കുകയാണ്​. അപ്പുണ്ണിയും സേതുവും സുമിത്രയും ഗോവിന്ദൻകുട്ടിയും കു​ട്ട്യേടത്തിയും ലീലയും വിമലയും ഭീമനും ചന്തുവും കോന്തുണ്ണി നായരും സൈതാലിക്കുട്ടിയും യൂസഫ്​ ഹാജിയും തുടങ്ങി മരണമില്ലാത്ത കഥാപാത്രങ്ങൾക്ക് പറവി നൽകിയ കഥയുടെ പെരുന്തച്ചനായ എം.ടി മലയാളികളുടെ മനസിൽ സർവാദരവോടെ എന്നും ജീവിക്കുമെന്നും അനുശേചാനക്കുറിപ്പിൽ പറഞ്ഞു.