എഡിഎമ്മിന്റെ മരണവുമായി ബന്ധപ്പെട്ട ചോദ്യം; എസ് എഫ് ഐയെ പിന്തുണക്കുന്ന അധികൃതർക്കെതിരെ ശക്തമായ പ്രതിഷേധം ഉണ്ടാകും: അഡ്വ. ജവാദ് പുത്തൂർ

കണ്ണൂർ യൂണിവേഴ്സിറ്റി മഞ്ചേശ്വരം ലോ ക്യാമ്പസിൽ അധ്യാപകനായിരുന്ന ഷെറിൻ സി എബ്രഹാമിനെതിരെ തന്റെ ഇന്റെർണൽ പരീക്ഷയിൽ എഡിഎമ്മിന്റെ മരണവുമായി ബന്ധപ്പെട്ട മനുഷ്യാവകാശ പ്രശ്നങ്ങളെ പറ്റിയുള്ള ചോദ്യം ഉൾപ്പെടുത്തിയതിന്റെ പേരിൽ എസ് എഫ് ഐ നൽകിയ പരാതിയിൽ നടപടി എടുത്തിരിക്കുകയാണ്.കൊന്നിട്ടും കലി തീരാതെ എസ് എഫ് ഐക്കാരുടെ തോന്നിവാസത്തിന് കുടപിടിക്കുന്ന യൂണിവേഴ്സിറ്റി അധികൃതർക്ക് നേരെ ശക്തമായ സമരങ്ങളുമായി മുന്നോട്ടുപോകും.ഇതിനോടകം തന്നെ ലോ ഡീനായ ഷീന ശുക്കൂറിന്റെ നേതൃത്വത്തിൽ എസ്എഫ് ഐയ്ക്കും മറ്റു പലർക്കും നൽകുന്ന വഴിവിട്ട സഹായങ്ങൾ ചർച്ചയാണ്. തീരുമാനം പിൻവലിച്ചില്ലെങ്കിൽ ശക്തമായ സമരപരിപാടികളുമായി മുന്നോട്ടു പോകുമെന്ന് കാസർഗോഡ് കെഎസ്‌യു ജില്ലാ പ്രസിഡന്റ് അഡ്വക്കേറ്റ് ജവാദ് പുത്തൂർ പറഞ്ഞു.