150 കോടി ക്ലബിൽ എത്തുന്ന ഈ വർഷത്തെ ആദ്യ തമിഴ് ചിത്രമായി 'രായൻ'

ധനുഷിന്റെ ഏറ്റവും പുതിയ ചിത്രം 'രായൻ' 150 കോടി ക്ലബിൽ എത്തുന്ന ഈ വർഷത്തെ ആദ്യ തമിഴ് ചിത്രമെന്ന നേട്ടം സ്വന്തമാക്കിയിരിക്കുകയാണ്. ധനുഷിന്റെ കരിയറിലെ ആദ്യ 150 കോടി ക്ലബ് ചിത്രം കൂടിയാണ് രായൻ. തമിഴ്‌നാട്ടിൽ നിന്ന് മാത്രം 75 കോടിയിലധികം ചിത്രം സ്വന്തമാക്കി. ധനുഷ് സിനിമ തമിഴ്‌നാട്ടിൽ നിന്ന് നേടുന്ന ഏറ്റവും വലിയ കളക്ഷനാണിത്.

ധനുഷ് സംവിധാനം ചെയ്യുന്ന രണ്ടാമത്തെ സിനിമ കൂടിയാണ് രായൻ. സൺ പിക്ച്ചേഴ്‌സിന്റെ ബാനറിൽ കലാനിധി മാരൻ നിർമ്മിക്കുന്ന ചിത്രത്തിൽ അപർണ ബാലമുരളിയാണ് നായിക. എ ആർ റഹ്മാൻ സംഗീത സംവിധാനം നിർവഹിക്കുന്ന ചിത്രം തമിഴിന് പുറമെ തെലുങ്ക്, ഹിന്ദി ഭാഷകളിലും ചിത്രം റിലീസ് ചെയ്തിട്ടുണ്ട്.