രാഹുൽ ഗാന്ധിയുടെ
കേരള സന്ദർശനം
ഡിസംബർ ഒന്നിലേക്ക് മാറ്റി

തിരുവനന്തപുരം: മുൻ കോൺഗ്രസ് പ്രസിഡൻറ് രാഹുൽ ഗാന്ധി എംപിയുടെ നവംബർ 29ന് നടത്താൻ നിശ്ചയിച്ചിരുന്ന കേരള സന്ദർശനം ഡിസംബർ ഒന്നിലേക്ക് മാറ്റിവെച്ചതായി കെപിസിസി പ്രസിഡൻറ് കെ.സുധാകരൻ അറിയിച്ചു. ഡിസംബർ ഒന്നിന് രാവിലെ 9ന് കണ്ണൂർ സാധു കല്യാണ മണ്ഡപത്തിൽ പ്രിയദർശിനി പബ്ലിക്കേഷൻറെ പ്രഥമ സാഹിത്യ പുരസ്കാരം പ്രശസ്ത കഥാകൃത്ത് ടി. പദ്മനാഭന് രാഹുൽ ഗാന്ധി സമ്മാനിക്കും. കണ്ണൂരിലെ പുരസ്കാര ദാനത്തിന് ശേഷം രാവിലെ 11ന് എറണാകുളത്ത് നടക്കുന്ന മഹിളാ കോൺഗ്രസിൻറെ സംസ്ഥാനതല കൺവെൻഷനിലും രാഹുൽ ഗാന്ധിപങ്കെടുക്കുമെന്നും കെ.സുധാകരൻ അറിയിച്ചു.