യു പി വാരിയേഴ്സിനെ തോല്‍പ്പിച്ച്‌ ആര്‍ സി ബി

ബാംഗ്ലൂർ : വനിതാ പ്രീമിയർ ലീഗിൽ റോയൽ ചലഞ്ചേഴ്സ് ബാംഗ്ലൂർറും യു പി വാരിയേഴ്സ് തമ്മിൽ നടന്ന മത്സരത്തിൽ റോയൽ ചലഞ്ചഴ്സ് ബാംഗ്ലൂർ 23 റൺസിന് വിജയിച്ചു.

ആർ സി ബി ഉയർത്തിയ 199 റണ്‍സ് പിന്തുടർന്ന യു പി 20 ഓവറില്‍ 175-8 റണ്‍സ് മാത്രമെ എടുത്തുള്ളൂ. 38 പന്തില്‍ നിന്ന് 55 റണ്‍സ് എടുത്ത അലീസ ഹീലി പൊരുതി എങ്കിലും വിജയത്തിലേക്ക് എത്താൻ ആയില്ല.

ആദ്യം ബാറ്റ് ചെയ്ത ആർ സി ബി 20 ഓവറിൽ 3 വിക്കെറ്റ് നഷ്ടത്തിൽ 198 റൺസ് എടുത്തു. ക്യാപ്റ്റൻ സ്മൃതി മന്ദനയുടെയും എലിസ് പേരിയുടെയും അർദ്ധ സെഞ്ച്വറിയുടെ മികവിലാണ് ഈ സ്കോർ നിലയിൽ ആർ സി ബി എത്തി ചേർന്നത്.
മന്ദാന 50 പന്തുകളിൽ നിന്നാണ് 80 റൺസ് എടുത്തത്.3 സിക്സും 10 ഫോറും അടങ്ങുന്നതായിരുന്നു സ്മൃതിയുടെ ഇന്നിങ്സ്.

അവസാനം ആക്രമിച്ചു കളിച്ച പെരി 37 പന്തില്‍ നിന്ന് 58 റണ്‍സ് അടിച്ചു. 4 സിക്സും നാലു ഫോറും അവർ അടിച്ചു. റിച്ച ഘോഷ് 10 പന്തില്‍ 21 അടിച്ച്‌ പുറത്താകാതെ നിന്നു.