റിയാസ് ഖാന്റെ മകൻ ഷാരിഖ് വിവാഹിതനാകുന്നു

നടൻ റിയാസ് ഖാന്റെയും നടി ഉമാ റിയാസ് ഖാന്റെയും മൂത്ത മകൻ ഷാരിഖ് ഹസ്സൻ വിവാഹിതനാകുന്നു. മരിയ ജെന്നിഫറാണ് വധു. ഏറെ നാളെത്തെ പ്രണയത്തിനൊടുവിലാണ് ഇരുവരും ഒന്നിക്കാൻപോകുന്നത്. ഓ​ഗസ്റ്റ് എട്ടിനാണ് വിവാഹം.

ഇപ്പോഴിതാ ഹൽദി ചടങ്ങുകൾ ആഘോഷമാക്കിയിരിക്കുകയാണ് റിയാസ് ഖാനും ഉമയും ബന്ധുക്കളും. ചടങ്ങിൽ നിന്നുള്ള വീഡിയോയും ചിത്രങ്ങളും ഇവർ പുറത്തുവിട്ടിട്ടുണ്ട്. വെെറലായ ‘അടിച്ചു കയറി വാ’ എന്ന ഹിറ്റ് ഡയലോഗ് ഉൾപ്പെടുത്തിയ റാപ്പ് ​ഗാനത്തിൻ്റെ അകമ്പടിയോടെയാണ് വീഡിയോ.
നടനും തമിഴ് ബിഗ് ബോസ് താരവുമായ ഷാരിഖിൻ്റെ പുതിയ ചിത്രം അണിയറയിൽ ഒരുങ്ങുകയാണ്.1992-ലായിരുന്നു റിയാസ് ഖാനും ഉമയും വിവാഹിതരായത്. ഷാരിഖിനെ കൂടാതെ സമർഥ് എന്ന മകനും ദമ്പതികൾക്കുണ്ട്.