പന്ത്രണ്ടുകാരിയ്ക്കു നേരെ ലൈംഗികാതിക്രമം; 58കാരൻ അറസ്റ്റിൽ

ആലപ്പുഴ: പന്ത്രണ്ടുകാരിയായ ദലിത് പെൺകുട്ടിക്കു നേരെ ലൈംഗിക അതിക്രമം കാണിച്ച 58കാരൻ അറസ്റ്റിൽ. മണ്ണഞ്ചേരി പഞ്ചായത്ത് ഒന്നാം വാർഡിൽ പൊന്നാട് വരകാടിവെളി വീട്ടിൽ സുഭാഷ് ചന്ദ്രബോസ് ആണ് അറസ്റ്റിലായത്. പെൺകുട്ടിയുടെ മടിയിലിരുന്ന അനുജനായ കുഞ്ഞിനെ എടുത്ത് ഓമനിക്കാനെന്ന വ്യാജേന സമീപിച്ച ശേഷം ഇയാൾ പെൺകുട്ടിയുടെ ശരീരഭാഗങ്ങളിൽ അമർത്തി വേദനിപ്പിച്ചു. രക്ഷിതാക്കളോടൊപ്പം മണ്ണഞ്ചേരി സ്റ്റേഷനിലെ ശിശു സൗഹൃദ മുറിയിൽ പെൺകുട്ടി എത്തി വിവരം പറഞ്ഞത്തിനു പിന്നലെ പൊലീസ് കേസെടുത്തു. കുട്ടിയെ വൈദ്യപരിശോധനയ്ക്ക് വിധേയമാക്കിയിരുന്നു. കഴിഞ്ഞ നവംബർ 16 നായിരുന്നു സംഭവം. ഒളിവിൽ പോയ പ്രതി ഇന്ന് വീട്ടിൽ രഹസ്യമായി എത്തിയപ്പോഴാണ് പൊലീസ് അറസ്റ്റ് ചെയ്തത്.