സിദ്ധാർത്ഥൻ്റെ മരണം: 6 വിദ്യാർഥികൾക്ക് സസ്‌പെൻഷൻ
കൽപ്പറ്റ : പൂക്കോട് വെറ്ററിനറി സർവകലാശാലയിലെ രണ്ടാംവർഷ ബിരുദ വിദ്യാർത്ഥി സിദ്ധാർത്ഥൻ്റെ മരണത്തിൽ റാഗിംങിലുണ്ടായ ആറു വിദ്യാർത്ഥികളെ കൂടി സസ്‌പെൻഡ് ചെയ്തു. അഭിഷേക്. എസ്,(കോളേജ് യൂണിയൻ സെക്രട്ടറി), ബിൽഗേറ്റ് ജോഷ്വാ, ആകാശ്. ഡി, രഹൻ ബിനോയ്,ശ്രീഹരി ആർ.ഡി, ഡോൺസ് ഡായി എന്നിവരെയാണ് ഏറ്റവുമൊടുവിൽ സസ്‌പെൻഡ് ചെയ്തത്. കഴിഞ്ഞ മാസം 22ന് 12 വിദ്യാർത്ഥികളെ സസ്‌പെൻഡ് ചെയ്തിരുന്നു. ഇന്നലെ പൊലീസിൽ കീഴടങ്ങിയ എസ്എഫ്ഐ നേതാക്കളുടെ അറസ്റ്റ് ഇന്ന് രേഖപ്പെടുത്തും. ഇപ്പോൾ പ്രതിച്ചേർത്ത 18 പേരെയും സസ്പെന്റ് ചെയ്തു. കോളേജ് യൂണിയൻ പ്രസിഡൻ്റ് കെ.അരുൺ, യൂണിറ്റ് സെക്രട്ടറി അമൽ ഇഹ്സാൻ എന്നിവരാണ് ഇന്നലെ രാത്രി കൽപ്പറ്റ ഡിവൈഎസ്പി ഓഫീസിലെത്തി കീഴടങ്ങിയത്. ഒളിവിലുള്ള ആറുപേർക്കായി തെരച്ചിൽ പുരോഗമിക്കുന്നു . പ്രതികൾക്ക് എതിരെ മർദനം, ആയുധം ഉപയോഗിക്കൽ, തടഞ്ഞുവയ്ക്കൽ, ആത്മഹത്യാപ്രേരണ എന്നീ കുറ്റങ്ങളാണ് ചുമത്തിയിരിക്കുന്നത്.