'കാത്തിരുന്ന് കാണാം' എക്സിറ്റ് പോൾ പ്രവചനങ്ങൾ തള്ളി സോണിയ ഗാന്ധി

ഡൽഹി: ലോക്സഭാ തിരഞ്ഞെടുപ്പിലെ എക്സിറ്റ് പോൾ പ്രവചനങ്ങളെ തള്ളി കോൺഗ്രസ് നേതാവ് സോണിയ ഗാന്ധി. എക്സിറ്റ് പോൾ പ്രവചനങ്ങളുടെ നേർ വിപരീതം ആയിരിക്കും സംഭവിക്കുക എന്നും ഫലം കാത്തിരുന്നു കാണാമെന്നും സോണിയ ഗാന്ധി പറഞ്ഞു.

മുൻ തമിഴ്നാട് മുഖ്യമന്ത്രിയായിരുന്ന എം കരുണാനിധിയുടെ ജന്മവാർഷികത്തിന് ഡൽഹിയിൽ ഡിഎംകെ ആസ്ഥാനത്ത് എത്തിയപ്പോൾ ആയിരുന്നു സോണിയ ഗാന്ധി തെരഞ്ഞെടുപ്പിലെ വിജയ പ്രതീക്ഷ പങ്കുവെച്ചത്. എൻഡിഎ വീണ്ടും അധികാരത്തിൽ വരുന്നതായി താൻ പ്രതീക്ഷിക്കുന്നില്ലെന്ന് സോണിയ ഗാന്ധി കൂട്ടിച്ചേർത്തു.

രാഹുൽ ഗാന്ധി, സിപിഐ ജനറൽ സെക്രട്ടറി ഡി രാജ, സിപിഎം ജനറൽ സെക്രട്ടറി സീതാറാം യെച്ചൂരി, സമാജ് വാദി പാർട്ടി നേതാവ് റാം ഗോപാൽ യാദവ് തുടങ്ങിയ ഇന്ത്യ മുന്നിലെ നേതാക്കൾ ചടങ്ങിൽ പങ്കെടുത്തു.