മുഖ്യമന്ത്രിയുടെ പ്രോത്സാഹനം ഏറ്റെടുത്ത് ഡിവൈഎഫ്‌ഐ;നവകേരള യാത്രയ്‌ക്കൊപ്പം അക്രമങ്ങളും
കോഴിക്കോട്: കണ്ണൂരില്‍ ഹെല്‍മറ്റുവെച്ചുള്ള മര്‍ദ്ദനത്തെ പ്രോത്സാഹിപ്പിച്ച മുഖ്യമന്ത്രിയുടെ വാക്കുകള്‍ കോഴിക്കോടും ഏറ്റെടുത്ത് ഡിവൈഎഫ്‌ഐക്കാര്‍; സമാന രീതിയില്‍ യൂത്ത് കോണ്‍ഗ്രസ് പ്രവര്‍ത്തകരെ അക്രമിച്ചു. മുഖ്യമന്ത്രിയെ കരിങ്കൊടി കാണിക്കാന്‍ ശ്രമിച്ചു എന്ന പേരിലാണ് കുന്ദമംഗലം നിയോജക മണ്ഡലം യൂത്ത് കോണ്‍ഗ്രസ് പ്രസിഡന്റ് പി.ടി അസീസ് മാവൂര്‍, ഗുരുവായൂരപ്പന്‍ കോളേജ് കെഎസ്‌യു ഭാരവാഹി മുഹമ്മദ് യാസിന്‍ എന്നിവരെ ക്രൂരമായ് മര്‍ദ്ദിച്ചത്. വൈകിട്ട് അഞ്ചുമണിക്ക് കുന്ദമംഗലത്തായിരുന്നു സംഭവം. സംഘടിച്ചെത്തിയ ഡിവൈഎഫ്‌ഐ അക്രമികള്‍ ഹെല്‍മറ്റും പട്ടിക കഷ്ണവും ഉപയോഗിച്ച് ഇരുവരെയും മര്‍ദ്ദിക്കുകയായിരുന്നു.
സാരമായ് പരുക്കേറ്റ പ്രവര്‍ത്തകര്‍ സ്വകാര്യ ആശുപത്രിയില്‍ ചികിത്സയിലാണ്. കുന്നമംഗലത്ത് മുഖ്യമന്ത്രിയെ കരികൊടി കാണിക്കുന്നതിനിടയിൽ യൂത്ത് കോൺഗ്രസ് dyfi പ്രവർത്തകർ സംഘർഷം നേതാക്കളായ സുജിത് കാഞ്ഞോളി, യൂത്ത് കോൺഗ്രസ് ജില്ല ജനറൽ സെക്രട്ടറി സിറാജുദീൻ ടി കെ , നവാസ് കുറ്റികാട്ടൂർ, ഷബീർ പെരുമണ്ണ, അബ്ദുൽ ഹമീദ് റിനേഷ്ബാൽ എന്നിവരാണ് മുഖ്യമന്ത്രിയെ കരിങ്കൊടി കാണിച്ചത്.