ഭര്‍തൃവീട്ടില്‍ നിന്നും കാണാതായ യുവതിയുടെ മൃതദേഹം കെട്ടിത്തൂങ്ങിയ നിലയില്‍ കണ്ടെത്തി

ലഖ്‌നോ: ഭര്‍തൃവീട്ടില്‍ നിന്നും കാണാതായ യുവതിയുടെ മൃതദേഹം മരത്തില്‍ കെട്ടിത്തൂങ്ങിയ നിലയില്‍ കണ്ടെത്തി. ഉത്തര്‍പ്രദേശിലെ ഭാലിയയിലാണ് സംഭവം. സപ്‌ന ചൗഹാന്‍(20) ആണ് കൊല്ലപ്പെട്ടത്.
ജൂണ്‍ 18നായിരുന്നു സപ്‌നയുടെ വിവാഹം. ജൂണ്‍ 30നാണ് യുവതിയെ കാണാതാകുന്നത്. ഭര്‍തൃവീട്ടുകാരാണ് സപ്‌നയുടെ കുടുംബത്തെ വിവരമറിയിച്ചത്. പിന്നാലെ സഹത്വാര്‍ പൊലീസ് സ്റ്റേഷനില്‍ ഇത് സംബന്ധിച്ച പരാതിയും നല്‍കി.

തുടര്‍ന്ന് നടത്തിയ അന്വേഷണത്തിലാണ് യുവതിയെ മരത്തില്‍ കെട്ടിത്തൂങ്ങിയ നിലയില്‍ കണ്ടെത്തിയത്. മൃതദേഹം പോസ്റ്റുമാര്‍ട്ടത്തിനായി കൈമാറി. കേസില്‍ അന്വേഷണം പുരോഗമിക്കുകയാണെന്ന് പൊലീസ് അറിയിച്ചു.