വധുവിന്റെ വീടിന് നേരെ വരൻ വെടിയുതിർത്തു; പ്രതി ലഹരിയ്ക്ക് അടിമയെന്ന് പൊലീസ്

മലപ്പുറം: വിവാഹം മുടങ്ങിയതിന് പിന്നാലെ വധുവിന്റെ വീടിന് നേരെ വെടിയുതിർത്ത സംഭവത്തിൽ പിടിയിലായ പ്രതി അബു താഹിർ ലഹരിയ്ക്ക് അടിമയെന്ന് പൊലീസ്. ആക്രമണം നടത്തുമ്പോൾ അബു താഹിർ ലഹരി ഉപയോഗിച്ചിരുന്നുവെന്നും പൊലീസ് പറഞ്ഞു.വീട്ടിലുണ്ടായിരുന്നവർ കിടക്കുകയായിരുന്നതിനാലാണ് അപകടം ഒഴിവായത്. ആളുകൾ ഉണർന്നിരുന്നുവെങ്കിൽ മരണം വരെ സംഭവിക്കുമായിരുന്നു. പ്രതിയുടെ കൈവശമുണ്ടായിരുന്ന എയർഗൺ പൊലീസ് കസ്റ്റഡിയിൽ എടുത്തിട്ടുണ്ട്. നിലവിൽ കോട്ടയ്ക്കല്‍ പൊലീസ് കസ്റ്റഡിയിലാണ് പ്രതി.അബു താഹിറിന്റെ ലഹരി ഉപയോഗമാണ് വിവാഹ ബന്ധം വേർപിരിയാനുള്ള കാരണം.