പ്രേമലുവിന്റെ രണ്ടാം ഭാഗം ഒരുങ്ങുന്നു

ഈ വർഷത്തെ ഏറ്റവും വല്യ ബ്ലോക് ബസ്റ്റർ ഹിറ്റുകളിലൊന്നായ പ്രേമലുവിന്റെ രണ്ടാം ഭാഗം ഒരുങ്ങുന്നതായി റിപ്പോർട്ട്. ജനുവരിയില്‍ യുകെ.യില്‍ ചിത്രീകരണം ആരംഭിക്കും എന്നാണ് പുറത്തു വരുന്ന വിവരം. സച്ചിൻ യുകെയില്‍ പോകുന്നിടത്താണ് പ്രേമലു ഒന്നാം ഭാഗം തീരുന്നത്. സച്ചിൻ യു.കെ.യില്‍ എത്തിയ ശേഷമുള്ള കഥയാണ് രണ്ടാം ഭാഗത്തില്‍ പറയുന്നത്. സച്ചിനായി നസ്‌ലിനും റീനുവായി മമിത ബൈജുവും തന്നെയാണ് എത്തുന്നത്.

പ്രേമലുവിലെ മറ്റു താരങ്ങളായ സംഗീത് പ്രതാപും അഖില ഭാർഗവനും രണ്ടാം ഭാഗത്തിലുമുണ്ടാകും എന്നാണ് ലഭിക്കുന്ന വിവരം. ചിത്രത്തിൽ അനശ്വര രാജനാണ് പുതുതായി എത്തുന്ന മറ്റൊരു താരം. അടുത്ത വർഷം ഓണം റിലീസായാണ് പ്രേമലു 2 ഒരുങ്ങുന്നത്.

മുഴുനീള റൊമാന്റിക് കോമഡി എന്റർടെയ്നറായി ഒരുങ്ങിയ ചിത്രം തമിഴിലും തെലുങ്കിലും ചിത്രം വമ്പൻ വിജയം നേടിയിരുന്നു. ഗിരീഷ് എ ഡി സംവിധാനം ചെയ്ത ചിത്രം ഭാവന സ്റ്റുഡിയോസിന്റെ ബാനറില്‍ ഫഹദ് ഫാസില്‍, ദിലീഷ് പോത്തൻ, ശ്യാം പുഷ്കരൻ എന്നിവർ ചേർന്നാണ് നിർമ്മാണം.