യൂത്ത് കോൺഗ്രസ് പ്രാദേശിക നേതാക്കളുടെ വീടിന് നേരെ ബോംബെറിഞ്ഞു

കോഴിക്കോട്: വില്യാപ്പള്ളി ബ്ലോക്ക് കോൺഗ്രസ് സെക്രട്ടറി മുതുവീട്ടിൽ ബാബുവിന്റെയും പാലയാട് മണ്ഡലം യൂത്ത് കോണ്ഗ്രസ് പ്രസിഡണ്ട്‌ വിഷ്ണു ദാസിന്റെയും വീട്ടിനു നേരെ ബോംബെറിഞ്ഞു.

രാത്രി 12മണിക്ക് ശേഷമാണ് ബോംബെറിഞ്ഞു ഭീകരാന്തരീക്ഷം സൃഷ്ടിച്ചത്. വീടിന്റെ ചുമരും വാതിലും മേൽക്കൂരയും തകർന്നിട്ടുണ്ട്. പിന്നിൽ സിപിഎം പ്രവർത്തകരാണെന്ന് സംശയിക്കുന്നു. നിരന്തരം ഭീഷണികൾ സിപിഎം പ്രവർത്തകരിൽ നിന്നും ഇവർക്ക് നേരെ മുൻപും ഉണ്ടായിട്ടുണ്ട്. കരുവഞ്ചേരിയിലെ സമാധാനാന്തരീക്ഷം തകർക്കാൻ ശ്രമിക്കുന്ന ഈ കാടത്ത നടപടിക്കെതിരെ ഇന്ന് വൈകീട്ട് 5മണിക്ക് യുഡിഎഫ് കമ്മിറ്റി പ്രതിഷേധ പ്രകടനവും പ്രതിഷേധ യോഗവും സംഘടിപ്പിക്കുന്നുണ്ട്.