നവകേരള സദസ്സില്‍ പരസ്യമായി ശകാരിച്ചതും തെരഞ്ഞെടുപ്പ് പരാജയത്തിന് കാരണമായെന്ന് തോമസ് ചാഴിക്കാടന്‍

കോട്ടയം: പാലായില്‍ നടന്ന നവകേരള സദസ്സില്‍ തന്നെ പരസ്യമായി ശകാരിച്ചത് ഉള്‍പ്പെടെയുള്ള വിഷയങ്ങളും കോട്ടയത്തെ തോല്‍വിക്ക് ആക്കം കൂട്ടിയ ഘടകമായെന്ന് വിമര്‍ശിച്ച് ലോക്സഭാ തെരഞ്ഞെടുപ്പില്‍ കോട്ടയത്ത് തോല്‍വി നേരിട്ട എല്‍ഡിഎഫ് സ്ഥാനാര്‍ത്ഥി തോമസ് ചാഴിക്കാടന്‍. കനത്ത തോല്‍വി നേരിട്ട സ്ഥിതിക്ക് ഇനി അത് മറച്ചുവെയ്ക്കേണ്ട സാഹചര്യമില്ലെന്നും പറഞ്ഞു.

മുഖ്യമന്ത്രിയുടെ നിലപാടുകളും കോട്ടയത്തെ തോല്‍വിക്ക് ആക്കം കൂട്ടി. പാലായില്‍ വച്ച് നടന്ന നവകേരള സദസ്സില്‍ തന്നെ പരസ്യമായി ശകാരിച്ചതിനൊപ്പം കിട്ടേണ്ട പല സിപിഐഎം വോട്ടുകളും ലഭിച്ചിട്ടില്ല. അതെങ്ങനെ മാറിപ്പോയി എന്ന കാര്യം വിശദമായി അന്വേഷിക്കണമെന്നും ചാഴികാടന്‍ യോഗത്തില്‍ ആവശ്യപ്പെട്ടു. ലോക്സഭാ തിരഞ്ഞെടുപ്പില്‍ കനത്ത തോല്‍വി നേരിട്ടതിന് പിന്നാലെ മുഖ്യമന്ത്രിക്ക് നേരെ രൂക്ഷവിമര്‍ശനമാണ് പാര്‍ട്ടിയില്‍ നിന്നുപോലും ഉയര്‍ന്നിരുന്നു.