'രാഹൂല്‍ മാങ്കൂട്ടത്തില്‍ പാലക്കാട് എംഎല്‍എയായി വൻ ഭൂരിപക്ഷത്തില്‍ ജയിക്കുമെന്ന് ഇതോടെ ഉറപ്പായി'; ഹരീഷ് പേരടി

കൊച്ചി: കേരള രാഷ്ട്രീയത്തിൽ കേട്ടുകേള്‍വിയില്ലാത്തതും നിലവാരമില്ലാത്തതുമായ ആരോപണമാണ് ട്രോളി ബാഗ് വിവാദമെന്ന് നടൻ ഹരീഷ് പേരടി.ഇതിലൂടെ യുഡിഎഫ് സ്ഥാനാർത്ഥി രാഹൂല്‍ മാങ്കൂട്ടത്തില്‍ പാലക്കാട് എംഎല്‍എയായി വൻ ഭൂരിപക്ഷത്തില്‍ ജയിക്കുമെന്നതില്‍ സംശയമില്ലെന്ന് ഹരീഷ് പറഞ്ഞു.

ഹരീഷ് പേരടിയുടെ വാക്കുകൾ

''കേരള രാഷ്ട്രിയത്തിലെ ഭരണപക്ഷ പ്രതിപക്ഷ ബഹുമാന ചരിത്രത്തില്‍ കേട്ടുകേള്‍വിയില്ലാത്ത,നിലവാരമില്ലാത്ത ട്രോളി ബാഗ് രാഷ്ട്രിയ ആരോപണത്തിലൂടെ ഒരു കാര്യം ഉറപ്പായി…രാഹുല്‍ വൻ ഭൂരിപക്ഷത്തിന് പാലക്കാട് MLA യാകുമെന്ന്..ആശംസകള്‍.. അലക്കാത്ത ഷഡിയും ചില സ്വതന്ത്ര സ്ഥാനാർത്ഥികളുടെ ചിഹ്നമായിമാറുന്ന കാലം വിദൂരമല്ല''.

ഉപതിരഞ്ഞെടുപ്പിലെ തോല്‍വി ഉറപ്പായപ്പോള്‍ സി.പി.എമ്മും ബി.ജെ.പിയും ഒത്തുചേർന്ന് ആരോപണം ഉന്നയിക്കുകയാണെന്ന് കോണ്‍ഗ്രസ് യുഡിഎഫ് നേതൃത്വം വ്യക്തമാക്കിയിരുന്നു.